Gazetari Ferdinand Dervishi deklaroi se Ervs Martinaj është vrarë dhe se autorët kanë fshehur të gjitha gjurmët.
I ftuar në Abc ai pohoi se ish-nëndrejtorët e Policisë së Tiranës, kanë qenë ushtarë të Martinajt, që e ndihmonin të shumëkërkuarin e drejtësisë që deri më tani rezulton i zhdukur.
“Në banesën e Martinajt kishte materiale të grupeve kriminale. Martinaj ndimohej nga shumë policë. Në armët e gjetura në banesën e tij mund të gjenden shenja gishtash. Kontrolli i banesës duhej të bëhej që në ditët kur familjarët e denoncuan të zhdukur. Duhet një hetim shumë i thelluar, në të gjitha bazat ku rrinte ky person, sepse i dinë ku janë të gjitha. Policia është një hap para gazetarëve, di më shumë informacion. Në gjithë këtë histori ka shumë gjëra të çuditshme. Ai nuk mbrohej vetëm nga grupe kriminale, por edhe nga policë. Niveli i personave të implikuar është drejtorë, nën-drejtorë të Tiranës. Ish-nëndrejtorë Tirane kanë qenë në shërbim të tij.Që t’i futesh lojërave të fatit në Shqipëri nuk duhet të jesh një njeri që vishesh me xhaketë dhe i thua mirmëngjes punonjësve. Duhet të jesh njeri shumë i egër. Ka pasur denoncime në fillim që kur dikush fitonte ky nuk i jepte lekët. Dikujt i ka djegur historia në këtë pjesë. Mund të jetë dhe politika në mes. Kush është ky njeri, nga ka ardhur, ku shkon fuqia e tij, kush janë grupet e ndihmojnë. Është parë si një njeri shumë i fuqishëm. Është përfolur edhe për influencë në media dhe ka pasur ndikim.”, tha ai.
